Quartierbeiz 13

“Mir si schlichtwäg di kuulschti u fründlächschti Quartierbeiz für «Mönsche 360°» (ol woks of läif)”

“säuber & gsund choche “

Äs Päckli ghört undere Tanneboum, aber nid aus Fertiggricht ine Chuchi. Mir wei so viu wie mügläch säuber choche. Säge mir öppe 99.9%. Ganz perfekt chöi o mir nid si; das wär ja de scho fasch ungloubwürdig. Wenn immer müglech, choche mir mit regionale oder schwizer Produkt. Ah ja, Pangasius wirsch bi üs garantiert nid finde.

“ufm Täuer: zBeschtä vo hie, zBeschtä vo dert” Üsi Chuchi - Asiatisch u "hiesig" - isch früsch, ehrlech, eifach u ohni schischigaga.

Mir serviere u lifere qualitativ hochstehends us üsne eigete Pfanne. Di nöii, moderni Chuchinfrastruktur machts müglech, früscher zsi aus die meischte. Drum chöit dir vieli vo üsnä Gricht, o aus Fertiggricht zum ufwärme deheime gniesse.

Uf Bschtelig, choche mir o feini Sache i grössere Mängine – ideau für Parties, Heim, Kindertagesstätt oder aus Menus für Mittagstische u Personalrestaurants.

flüssigs

Chauts isch chaut u Heisses heiss. Für d Manne ds coole Beizebier u für d Froue ä geile Wii. Oder de haut umgekehrt; mir si da absolut légère...

Italiänischi Espressi, früschi Fruchtsäft, oder ä trendy Drink für d Kiddies. Bi üs findet jede öppe das, uf was är oder sie oder äs de grad Lust hätti.